TKP THUHLA
⇒ Dt.9.4.2022 (Inrinni) khan TKP anniversary lawmna kal zela Colony hrang hrangte inelna chhunzawmna JB Resort-ah neih chhunzawm a ni a. Member thahnem tak an kal leh a ni. Hetah inelna hrang hrang Mixed spoon race, Swimming, Inliluh rei siak, Bomb game, Card inphawhhuai siak leh Mukbang hmangin inelna neih chhunzawm leh a ni a. He inelna hrang hrang neiha Colony point hmuh dan chu hetiang hi a ni :
Chapman Colony – 540 points
Lorrain Colony – 590 points
Savidge Colony – 1030 points.
⇒ Dt.14.4.2022 (Ningani) khan Unit TKP sum tuak nan BCM mualah Motor sil hnatlang neih a ni a. Member thahnem tak thawk chhuakin motor engemaw zat sil a ni. Tlawmngai thawk chhuakte leh motor sil tirtute chungah lawmthu kan sawi e.
⇒ Unit TKP sum tuakna Piggy Bank (April) hi Colony Convener te’n an rawn sem thuai dawn a. Dt.30.4.2022-ah lak khawm leh tur a ni. Member-te thahnemngai taka lo tang turin kan inngen e.
⇒ Bial TKP-a kan unit target Rs. 50,700 chu a remchang hmasa berah pek tlak tura tih a ni a. Bial Target tlin thei tura malsawmna kan dawng hi a lawmawm hle a ni.
⇒ Kumin Serkawn Pastor Bial TKP Meet hi kan unit dawl hun a lo ni leh ta reng mai. Dt.6.5.2022 – Dt.8.5.2022 inkarah neih tur a ni a. Thlarau lama inpawlhona hlawk thlak tak tur bakah intihlimna chi hrang hrang programme duan a ni a. Dt.7.4.2022 zana TKP Executive Committee Meeting chuan he huna kan chanvo hrang hrang turte a ruat fel a. He meet tluang tak leh hlawhtling taka kan nei ngei theih nan kan chanvo theuhte Pathian tanpuinain tihhlawhtlin theuh kan tum ang a. Member-ten kan tawngtainaah Meet tluang taka kan neih theih nan i thlen thin bawk ang u.


SUNNA

UPA K. ZATHUAMA
(4.4.1945 – 11.4.2022)

Kan Kohhran Chairman ni lai Upa K.Zathuama chuan Dt.11.4.2022 zan 8:15 khan chatuan ram min pan san ta. Khawtlang leh Kohhran tana ‘Pa’ nih tling, Serkawn ti Serkawntu, pa taima leh kuthnathawh ngaisangtu a ni a. Khawtlang leh Kohhran rawngbawlna tam taka a sul sutu niin, Serkawn Branch YMA dintute zingah a tel a. Kum 1981-a Serkawn Branch YMA din anih khan Secretary hmasa ber niin, branch OB-ah hian tum 13 lai thlan a ni. Zosapte rawngbawlna hmu phak, an sulhnu ngaihlua chhawm nung thin mi tlemte kan neih zing ami a ni. Khawtlang leh Kohhrana a hmun kalsan hi a ruak zau hle mai. A kalsan tak a tu leh fate leh a chhungte zawng zawng Lalpan thlamuanin awmpui rawh se.