BCM THUHLA
⇒ Assembly hnuaia rorelna sang ber, Assembly Executive Committee Meeting chu Dt.19 & 20.1.2022 (Nilaini leh Ningani) khan BCM Biak In, Venglai, Lunglei-ah neih a ni a. Meeting hi BCM President, Rev. Dr. V. Laldingliana’n a kaihruai a, General Secretary Rev. F. Ramdinmawia hnen atangin Department hrang hrang report ngaihthlak a ni.Report-in a tarlan zingah – Kumin 2021-2022 Financial Year kal mek Target pumpui Rs. 77,65,90,000 niin, April – December (thla 9) chhung a Kohhrante thawhlawm tlingkhawm chu Rs. 53,66,50,394 (hmuh zat pecent chu za zelah 69.10% a nih thu leh thla kaw chhunga hmuh beisei zat tlinlohna hi Rs. 4,57,92,106 niin, tun dinhmuna Target tlin lohna percent chu za zelah 5.89 a nih thu a tarlang. Kumin Executive committee Meeting-ah hian Kum 2022-2025 atana BCM hruaitu tur thlanna neih a ni a, General Secretary atan Rev. R. Lalbiakliana chu thlan a ni a, Associate General Secretary (Mission) atan Rev. Dr. R. Lalthanmawia leh Associate General Secretary (Service) atan Rev. R. Lalnunzira te thlan niin, Executive Secretary – Aizawl Area atan Rev. R. Lalrintluanga leh Executive Secretary, Lawngtlai Area atan Rev. Dr. H. Lalthlamuana a te thlan an ni bawk.