TKP THUHLA
⇒ Kumin kum 2022 chhung atana TKP member chhiar fel a ni ta a. Tun dinhmunah hian member hi mi 482 kan ni a. Junior TKP member hi 65 an ni a. Chapman Colony-ah hian member 131 an awm a, Lorrain Colony-ah member 153 niin, Savidge Colony-ah hian member 198 an awm bawk a ni. Dual member hi 6 awmin, Thalai Entu la hi mi 63 an awm a, hmun danga awm hi member 34 an awm bawk a ni.
⇒ Dt.14.4.2022 (Ningani) hian Unit TKP sum tuak nan Motor sil hnatlang neih tum a ni a. A hmun atan BCM Mual hman tum a ni a. Member-te thahnemngai taka thawk chhuak turin kan inngen e.
⇒ Dt. 2.4.2022 (Inrinni) chhun khan kan unit Anniversary lawmna kal zela kan ruahman pakhat sport neih a ni a. Infiamna chi hrang hrang Volley Ball, Shot put, Two wheeler intlanmuansiak, Insuknawr te hmangin inelna neih a ni a. Tin, hemi bakah hian Colony Attendance lak niin point pek bawk a ni. Heng inelna hrang hranga colony hrang hrang te point hmuh dan dinhmun chu hetiang hi a ni : Chapman Colony – 640 pts, Lorrain Colony – 540 pts, Savidge Colony – 570 pts. Inelna hi Anniversary Day kan thlen thlengin kal zel tur a ni a, member te thahnemngai taka kal thin turin kan inngen e.
⇒ Unit TKP sum tuakna Piggy Bank (April) hi Colony Convener te’n an rawn sem thuai dawn a. Dt.30.4.2022-ah lak khawm leh tur a ni. Member-te thahnemngai taka lo tang turin kan inngen e.
⇒ Bial TKP-a kan unit target ^ 50,700 chu a remchang hmasa berah pek tlak tura tih a ni a. Bial Target tlin thei tura malsawmna kan dawng hi a lawmawm hle a ni.