TKP THUHLA
⇒ Dt.27.3.2022 (Pathianni) chawhnu fellowship-a thehkkhawm kan neihah khan Rs. 13,120 lai hmuh a ni a. Thahnemngai taka lilam tur thawhtute leh a chhangtute chungah lawmthu kan sawi e. Tin, Dt.26.3.2022 (Inrinni) a blanket kan sukna atangin Rs. 25,150 lai hmuh a ni bawk a. Blanket suk tur min petute chungah leh sum faia thawhtute, mahni hun leh tha, sum leh lirthei senga blanket suknaa kal zawng zawngte chungah lawmthu kan sawi bawk e.
⇒ Kumin atana kan Unit TKP Anniversary lawmna tur kal chho zelah Anniversary Sub-Committee kaihhruaina hnuaiah hma lak chhoh zel a ni a. Fellowship leh TKP programme kan neihna apiangah Colony attendance lak hmanga inelna neih zel a ni ang a. Tin, hemi bakah hian infiamna hrang hrang football, basketball, volleyball, badminton, table tennis, relay race, beat contest, solo competition, arm wrestling, carrom pool (online), chess, swimming, futsal, three-legged race, in rubber zuan,inkawibah, spoon race, in ball vawm, tug of war, shot put leh perek inkilh siak te a inelna neih a ni bawk a. Hun kan neih dan azirin a hun tur hi ruat chhoh a ni zel dawn a. A remchan danin chawhnu fellowship-naah te pawh inelna hi neih thin tum a ni bawk ang. TKP member-te inthlahdah hauh lova TKP activities-a kan tel theihna remchang leh ninawm si lo anih avangin thahnemngai taka tel tlang zel turin kan insawm e.