BCM hnuaia thawklai leh Pensioner
Covid-19 vei kan neih dan
Hei hi May 14, 2021 (chhun dar 12:00) thlenga Kohhran thawktu/pensioner (a ram mi thawktu telin) leh an chhungte Covid 19 vei kan neih dan dinhmun hetiang hi a ni.
Vei tawh zawng – 36
Dam (negative) tawh – 14
Enkawl mek (damdawi in leh in lam) – 21
Enkawl mekte zinga ICU awm – 2
Thi – 1
Mizoram Baptist Kohhran hnuaia Missionary, Pu Isaac Rochunglura (Saktea) s/o Rev C.Zatawna, Huto English School, Arunachal West Field-a thawk chuan vanduaithlak takin May 10, 2021 (Thawhtanni) tlai dar 4:45 khan Covid-19 a vangin Ropuina ramah min haw san ta. Sakte-a hian a nupui, Mary Lalmuanpuii leh a fate pahnih (Hmeichhia kum 5 mi leh nausen mipa thla 4 mi) a kalsan a ni. He hri avanga thihna tuartu chhungkaw tan leh he hri vei mekte tan nasa lehzualin i tawngtai sak zel ang u.
⇒ Mizoram Baptist Kohhran Pastor pensioner, Rev. K. Lalchuangliana (82) chu May 13, 2021(Ningani) zing dar 7:10 khan a rawng a lo bawl sak thin, Lalpa hnenah thlamuang taka chawl hlen tawh turin min haw san ta. Rev.Lalchhuangliana hian a pum lam a sawisel avangin May 10, 2021(thawhtanni) khan Faith Hospital, Lunglei-ah admit a ni a. Investigation atangin a lung leh prostrate vung chu hmuh ani nain Doctor in Heart attack intanna niin a sawi thung a. May 12 (Nilaini) tlailam khan a thaw a rawn hah ta a. Oxygen-te pe in zan dar 8:00 velah Christian Hospital, Serkawn ah phurh chhoh a ni a. May ni 13 zing dar 7:00 ah Heart attack a rawn neih nawn leh chu zo ta lovin 7:05 am khan a rawng a lo bawl thin a Lalpa hnenah thlamuang takin a chawl ta a ni.
⇒ Covid-19 hrileng avanga Mizoram Sorkarin Total Lockdown a puan leh tak avangin Mizoram Baptist Kohhran hnuaia Department hrang hrang Office chu May 17-21, 2021 (Monday-Friday) chhung khar chhunzawm rih a ni dawn. He thu hi BCM Administrative Committee Meeting May 8, 2021-in BCM office kal zel dan tur BCM Puipate ngaihtuah tura a lo dah tawh ang leh May 14, 2021 BCM Puipate inrawnkhawm thu chhuak angin BCM General Secretary-in hriattirna a tichhuak a ni.
⇒ Pathian ram thilpek thawhlawm chhiar hun hi dt 16.5.21-a chhiar tura tih a ni a. Mahse kan veng Covid boruak thar avangin a chiang rih ta lo khawp mai. Hei hi rel thata la puanzar that leh tur a ni e.
⇒ Kan Unit member thin Nl Lalawmpuii d/o Pu Lalnghahthanga chu ZMC Covid centre a, a tul anga thawk turin a inpe a, tunah hian a thawhna tur hmun ZMC panin a kal tawh a ni. Pathian venhimna leh awmpuina a chan theih nan i tawngtaipui zel ang u. A mamawh leh a tul anga a hman atan TKP Serkawn Unit hmingin Rs. 1000 hlan a ni.
⇒ Medical Superintendent, Christian Hospital Serkawn hnen atanga thu kan dawn angin Christian Hospital Serkawn-ah April 2021 chhung khan OPD-ah mi 1272 inentir awmin an zinga 235 admit an ni a, nau piang 47 awmin, mitthi 9 an nei thung. April 2021 chhungin Hospital Poor Patient Fund-ah Rs. 15,01,917 a ni a. Hengte hi Hospital Sunday thawhlawm leh mi thahnemngai te, pawl leh Kohhrante thilpek tling khawm a ni. Poor Patient Fund bakah hian Hospital tanpui nan BCM Thingfal Pastor bial chuan Rs. 20,000 an dawng bawk a, TKP Thingsai Bial, BMMD, Tuichawng bial, BKHP Serte Bial leh TKP Zawlpui Bial atang te-in hmunphiah leh hmawlhte suih thahnem tak an dawng bawk. April thla chhung khan TKP Hnahthial North Bial ten thisen unit 55 leh TKP Chanmari Vengthlang Unit, Lunglei ten thisen Unit 24, avaiin unit 79 an dawng bawk. May 1-15 chhungin Christian Hospital Lawngtlai-ah damlo 102 in entir atangin mi 24 an admit a, nau piang 2 an neih laiin, vanneihthlak takin mitthi an nei lo thung a ni.