Arsi Eng
Krismas hun kan hmang mek a. Krismas chanchin sawi dawn chuan Mari leh Josefa chanchin atang te, berampu atang te, Angel atang te, Heroda atang te, mifing pathum atangtein sawi tur tam tak a awm thei ang.
Vanah khian arsi tam tak an awm a, mahse, an zingah chuan arsi eng tak pakhat, nausen Lal Isua hnena mifing leh beram vengtute hruaitu a awm a nih kha. Kha arsi kha awm lo se, Lal Isua pianna hmun kha engtin nge an hriat theih ang. Zankhuain an zawng ang a, kawng an bo viau mai thei a ni. Mahse, chu arsi chu Lal Isua tana êng bik a nih avangin mifingte chu a hnen a hruai thleng ta zawk a nih kha. Lal Isua tan a ên tlat vang a ni.
He arsi ang hian keini pawh kan êng ve tur a lo ni. Isua Krista hnena a hruai thleng ang hian kan khawtlangah, kan kohhranah, kan chhungkuaah, kan thiante zingah hruaitu Arsi kan ni ve thei a. Chu Krista arsi êng tak anga kan nuna êng danglam bik leh mawia kan hman chuan sual thimin a tuam vel hi kan ên ngei bawk ang.
Mifingten he arsi hi arsi dang nen an hre hrang thei ang khan, keini pawh he Krismas-ah hian suahsualna thil karah Krista tana danglam bikin min min rawn hmu ve rawh se.
Inawmtleina khawvela thiante nen hun hmang ral mai mai lovin Krista hnena midangte hruai thlen hi kan tum ber tur chu a ni. Kan Lal lo piang tan hian Arsi eng tak nih i tum theuh ang u.
Arsiin Krista hnena mifingte a hruai ang hian kan nun hian Krista hnenah midangte hruai ve rawh se.