RINNA LEH RINHLELHNA
Mihring nena tihtheih loh hi Pathian en chuan tihtheih a ni. Luka 18:27
“Ringtu tan chuan engkim tihtheih a ni a sin” a ti a
Marka 9:23
“Rinnain kan kal zawk si a” II Kor 5:7
Rinhlehna chuan daltu lianpui a hmu a. Rinna chuan a kawng a hmu a. Rinhlelhna chuan zan thim a hmu a. Rinna chuan khaw eng a hmu a. Rinhlelhna chuan a pen ngam lova, rinna chuan sang takin ke a khai a. Rinhlehna chuan, “Tunge ring” a ti a, rinna chuan “Keimah” a ti a.
Rinna leh rinhlehnate hi thil inkalh tlat, mahse, nitin kan hmachhawn chu an ni si . Bible chuan Pathiana rinna nghat turin min zirtir a, kan khingpui Diabola chuan ring lo turin min hrilh a, hlauhna min pe thin. Bible chuan kan harsatnate Pathian hnena thlen turin min hrilh a, amah chauh thlir turin min duh a, ani en chuan rinna kawng zawh a, Pathian ropuina hmu turin min hrilh a. Diabola chuan, ‘a theih chuang lovang’ a ti a. Mihringah tanpuina zawng turin min fuih a.
Thlarau Thianghlim chuan Isua min kawhhmuh a, hmelmapa chuan mihring min kawhhmuh a, Pathian thu chuan min tanpuina tur chu Lalpa hnen atanga lo kal turin min hrilh a, hmelmapa chuan ringhlel turin min hrilh. Diabola chuan ringhlel turin min hmin thin.
Ringtu chuan chhandamna turin Krista a lo ring tawh a, tuarna te, natna te, lungngaihna te a lo thlen changin a tharin Lalpa nen an intawk a, a rinna tihchakin a lo awm leh thin.
Chakna thahrui petu chu Pathian thu a ni.