EIZAWNNAA HUN VAWN DIK

THUHRILTU 3:1
Vân hnuaia thil tinrêng tân hun bi ruat a ni a, remchân hun bîk a nei `heuh.
He khawvela kan awm chhung chuan hun bi karah kan lêng a. Kan eizawnna tam ber pawh hunin a thunun hnuaia thawh ngai chi a ni. A bîk takin dâr bi thliah kâra eizawnna neite tan hun vawn dik hi a `ul lehzual. Thuneituten thlen hun tur an ruat dâra thlen hman a, bân hun tur an tih ah bân theih hi a mawi. Thleng tlai si, bân hma duh leh bawk si hi a mawi lo a. Rinawm lohna a ni.
Kan eizawnna chu eng pawh ni rawh se, hun bi thliah hnuaia kan thawh a, hun bi kan ngaih pawimawh loh chuan rûk rûkna tling a ni tho. `hahnemngaih fal vanga dâr bi tuk pelh pawh a `ha chuang lo. Zirtirtu tui falin a zirtir hun chhûng tura tuk a pelh chuan zirtirtu dangte hun a rûksak tihna a ni ve thei. Engkim tâna hun ruat awm hi i zahin, vawn dik i tum ang u. Hun ruat a hma emaw a tlai deuh a ni emaw, tlai reng mai mi hi awm a ni ve a. Engnge kan an ve hlawm le?