ROPUI TAKIN A LO KAL DÂWN

MARKA 13:24-27
Nimahsela, chûng nia, chûng hrehawmna hnuah chuan, ni tihthimin a awm ang a, thla a êng tawh lo vang a, vân atangin arsite a lo tla ang a, vâna thiltihtheihna awmte chu tihnghîn a ni ang. Chutih hunah chuan Mihring Fapa hi, thiltihtheihna nasa tak leh ropuina nasa tak nên, chhûm zînga lo kal an hmu ang. Chumi hunah chuan vântirhkohte chu a tîr chhuak ang a, a thlante chu kâwlkil li ata – lei tâwp atanga vân tâwp thlengin – a lâwr khâwm ang.
Khawvêl Indopui II-naa America-in Hiroshima leh Nagasaki-a Atom bomb an thlâk a puah rinzia leh a ênzia kha a hmu leh hretute chuan an kumkhaw sawi a tling a. Chutiang khawpa ring leh eng chu ni mahse ram tam tak atangin kan hre phâk lo va, kan hmu phâk bawk hek lo. Lal Isua lo kal hunah chuan hmuh loh leh hriat loh a awm ve thei tawh dâwn lo. A lo kal hmaa ngaihsak lo apiang an buai tawh ang a, thihna meuh pawh an zawng ang a, an hmu tawh si lo vang. Unau, thlante zînga i tel ve ngei nân i dam chhûng ngei hian Lal Isua tâwk tûrin inpeih rawh.