Juniper Donation
Juniper hi Kohhran mite tanpuina (Donation) hmanga enkawl a ni a. Kumin 2015 atan hian Kohhran Committee chuan donation hi vawi 4 khawn min phalsak a, February, May, August leh November-ah te hian khawn turin ruahmanna kan siam a.
Kumina a vawikhatna atan Pathianni leh (Dt 8.2.2015) ah hian kan agent te’n an rawn khawn dawn a. Kohhran chhung tin ten Pathian rawngbawlna a ni tih hre chunga thahnemngai taka lo pe turin kan inngen a ni.
Dt 26.1.2015 chawhma leh Dt 28.1.2015 zingkarah te khan Chapman Colony te chuan sumtuakna lei laih hnatlang Pi Zaleni te inah an thawk a, member an thawkchhuak tha hle.
Dt 29.1.2015 khan Savidge Colony te chuan an colony target tuak nan Rbt Vanlalruata Kawlni te thingzai thiar hnatlang an thawk a, member 10 vel an thawk chhuak.
Kan unit Treasurer Nl PC Lalhmangaihzuali chu Serkawn Pastor Bial TKP Executive Committee member atan ruat thar a ni.
Bial TKP in planning a lo neih tawh angin, February leh March Thla chhung hian kan Bial chhung unit intlawhtawn programme neih tur a ni a. Bial O/B ten Bial chhung unit hrang hrang te an tlawh kual dawn bawk a ni.
MTKP Inkhawmpui aiawm rorel chu Dt 5.2.2015 hian BCM Biak In Rahsivengah ah neih tur a ni a. Kan unit aiawhin kan Fin Secy Tv L Lalrotluanga chu rorel palai a ni dawn a ni. Kan unit hian Palai lawmna inkhawm Dt 4.2.2015 zanah Drama kan chang dawn a ni.
Kan unit aiawha kal chhuakte i tawngtaipui ang u