MIDANG TANA NUN
“Kan nun chuan Lalpa tan kan nunga, kan thih pawhin Lalpa tan kan thi tur ani”(Rom 14 : 7&8) tiin kan Bible chuan min hrilh a ni. Midangte tana nun hi har viau , huphurhawm viau niin kan ngai maithei. Mahse Krista lam thlir chunga kan tih theih mawlmang te te tarlang ila.
1. Midangte tan nui la, midangte tan tap rawh : I nuih a zat avang ringawt leh i hlim avang ringawta nui mai lovin, midangte hlimna turin Nui thin ang che.Mi lungngaihna tawmpuia, tapte tahpui leh lainatna lantir thin hi Kristian zia leh nun ropui tak a ni. Lazara thihna avanga Lal Isua tah thu kan Bible hian min hrilh. Midangte harsatna leh lungngaihnate, sum leh thildangin i tanpui theilo a ni mai thei. I lainatna leh tuarpuina avanga i mittui far khan an nunah damna i thlen thei a ni.
2. Midangte tan tawngtai rawh : Tawngtaia Pathian pawl thin kan nih avangin Tawngtaina tel lovin Kristian tha tak anih theih loh. Tawngtaina ah hian mahni hmasial a awl khawp mai.Kan tawngtainate hi keimahni tana hmangzo mai tur kan ni lo. Tawngtai sak tur mi tam tak he khawvelah hian an awm. Midangte tan i tawngtai thin ang u.
3. Midangte tan thu sawi rawh : Pathianin kan awka te hi Amah fakna tur atana min pek ani a, thu lawilo mai mai leh mite chanchin thalo sawi a, mite relna mai mai atana min pek a ni lo. Midangte hlimna turin, midangte fakna thu sawi thin ang u.
4. Midangte tan tuar rawh :Kristian nuna tello theilo chu tuarna hi a ni. Kan damna turin Lal Isuan a tuar a, keini pawh hian midangte damna turin kan tuar a ngai a ni. Midangte tana nun hlantute hian an chan ngai lova, an nunah malsawmna an dawng let zawk thin. Kan Bible chuan, “Tui leihtu chuan amah leh amah a inleih a ni”alo ti a. Midangte tana thil tha titute chuan Pathian hnen ata thatna leh malsawmna a dawng let thin a ni. Tuar ngai lo Kristian nun chu a hlim ngai lo. Kan tuar emaw kan tih hi kan tana hlawkna tur alo ni zel zawk a ni.
I chhang paih la tui chungah chuan, i hmu leh dawn si, ni rei hnuah.