KRISTIAN HOSPITAL NI
Lal Isua Krista he khawvela a lokal lai khan tihdam rawngbawl na ( Healing ministry) kha a rawngbawlna pui ber ti ila a sual awm lo e. Zawlneite ka atang pawhin ‘ti damtu’ anih tur thu kha lo tlangaupui lawk a ni. Rilru, taksa , thlaraua kan dam theihna turin nasa takin Kalvari tlangah a nun hial a hlan a ni. Chu a sulhnu emaw a hniak min hnuhchhiah zuia, kohhran ten ke kan pen vena pawimawh tak chu tihdamna rawngbawlna kan theih ang leh kan phak ang tawka kan kalpui ve thin hi a ni awm e.
He rawngbawlna hi Serkawn khua emaw, Kohhran ang zawng pawha kan chhawr leh kan tangpui em em a ni. Matthaia bung 10 a kan chhiar chuan tihdam rawngbawlna pawimawh zia kan hmu thei ang. Isua’n a zirtirte rawngbawltura a tirh chhuah khan, thupek a pek zingah Damlote tihdam kha a tel khiau mai a ni. Tihdam rawngbawlna hi a thlawna Lal Isua hnena atanga kan hmuh a ni. Lal Isua hnena damna chan kan tum hian thil sual a ni em em awm lo e. Lal Isua hunlai khan damna(taksa damna) duha amah pantu tam tak an awm a ni. Kristianten tihdam rawngbawlna kan kalpui hian kawng tam takin Lal Isuan kan sual lakah min chhanchhuakin min tidam a ni tih hi kan lo tarlang telve reng a ni. Thlarau damna hi he khawvel miten an hmuh thiam mai loh thin avang tak hian tisa damna rawngbawlna hmang hian thlarau rawngbawlna kan lo tan hmasa zawk a ni. Tihdam rawngbawlna hi Lal Isua Krawsa an khenbeh hrilhna hmanrua atan awm a ni.
Engvanginnge tihdam rawngbawlna chu a pawimawh em em? A chhanna tawi si, dik si chu Lal Isuan a pawimawh a ti a ni. Tun kar Pathianni, Februar y 18, 2018 hi Mizoram Baptist Kohhran ni pawimawh, Kristian Hospital Ni a ni a, BCM Biak In tinah he Ni pual hian hun hman tur a ni ang. Kumin Kristian Hospital Ni thupui atan “Damna kim – Lal Isua Krista” tih hman a ni ang. Headquarters atanga tawngtai thupuibuatsaihsa hmangin tawngtairual a ni ang. Tawngtai thupui :-Lawmthu sawina turte
1. Christian Hospital Pathianin min din sak avangin lawmthu i sawi ang u.
2. BCM hi tihdam rawngbawl hnathawh chhunzawm zel min phalsak avangin
Tawngtai pui ngaihna te:-
1. He rawngbawlna kaltlanga mi tam takin damna leh malsawmna an chan zel theih nan.
2. Thawktu leh Zirlai zawng zawng ten Krista rilru pua hmangai hna l eh l ai natna nen rawng an bawl chhunzawm zel theih nan.
3. Kan Hospital hmang a Pathian ram a lo zauva, a lo lan fiah a, a lo ngheh zel theih nan.
Christian Hospital Serkawn hi February 10, 1923 ah din a ni a, kum tinin a din tan ni emaw, Pathianni a nih loh chuan a hnaih ber Pathianni hi Kristian Hospital Sunday atan dah thin a ni. “Damna kim – Lal Isua Krista” hian taksa, rilru leh thlarau damna a keng tel vek a ni. Chu chu BCM chuan a chhunzawm zêl ang a, hmasâwn tûr pawhin hma a la zêl ang. Medical and Health Department kaltlanga miten damna an lo chan hian BCM member zawng zawngte hnathawh rah a ni tih hria a, he rawngbâwlnaah hian kan tan tlân theuh apawimawh a ni. Tihdam rawngbawlna hi tihsual leh hmingchhiatna awm thei anih avangin Christian Hospital-a thawktu zawng zawngte nasa leh zuala kan rawngbawlna a ni tih hriaa kan tawngtai pui mawlh mawlh a tul a ni.
Reference:
https://www.mizobaptist.org/kristian-hospital-ni-2018/