Thalai ten a kan mamawh em em ni a ka lo hriat ve mai mai chu mahni inthununna hi niin ka lo hre ve thin. Kan thil tihna kawng tin reng a kan teirei peihna tlahniam ta lutuk mai leh TKP level rawngbawlnaah pawh a chhawr tlak leh chhawr theih (availability) kan lo tlem tawlh tawlh te hi mahni inthunun theihna kan tlak chham vang ni hian ka lo hre thin. Kan tu leh faten TKP leh Kohhran program danga an chanvo an hlen chhuak tha em tihte i enpui teh ang u. Thalai inkhawm tlem em em te/inkhawm rei kan ning hma lutuk te han en hian khawvel zawng tak pawn kan hlawhtling thei dawn a maw ni tih te hi dawn thui a ngai khawp. Discipline than thalai chu amah a in veng zo fo thin. Kan thiltihah kan hlawhtlin theihna tur, khawvel leh kohhran ang zawng pawha kan mamawh em em chu mahni inthunun theihna hi a ni.
