THU HLA
⇒ 29.5.2018 TKP Ramthimni : Kum 2006 MTKP (S.Vanlaiphai) Rorelna chuan September-a Ramthimni hma thin chu May thlaah sawn nise tiin a rel a. MTKP Executive Committee chuan bawhzuiin BCM-in ram pawna missionary a tirh chhuah hmasak ber, Rev.H. Rokhama-te nupa tirh chhuah ni, May 29, 1968 denchhenin May 29th hi TKP Ramthimni atan a ruat fel ta a. 2007 atang chuan TKP Ramthim Ni hi May 29-ah hman a ni ta a ni. TKP Ramthim Ni-ah hian inkhawm buatsaihin, thawhlawm pawh Headquarters-ah lutin Mission rawngbawlna atan hman thin a ni. Kumina TKP Ramthim Ni thupui-ah “Krista aia palai” (Ambassadors for Christ), II Korinth 5:20. hman a ni ang. STKP member zawng zawngte Ramthimni pual inkhawm kan neih turah inkhawm theuh turin kan in sawm e.

⇒ STKP Carnival neih zawh taka sum kan hmuh zawng zawng chu Rs. 32,200 a ni. Thahnemngaia Carnival a min dawr tute leh hmanrua min hman tir tute chungah STKP -te kan lawm tak zet a ni. Committee member phal ang ang/nikhat hlawh a sum kan hmuh zawng zawng Rs. 25,790 a ni bawk.

⇒ Serkawn Tualchhung Kohhran in Camping follow-up na tur inpawlhona a siam avangin TKP,KNP , BMP, Jr TKP Fellowship program a awm lo ang.

STK: SPECIAL CAMPING REPORT

Camping report:
1.Campers zat – 21
2.Sawmna chhang – 20, 1 Chhuak.
Ei rawngbawl – 4 an awm a, security duty TKP member ten an hman rem chan ang ang in an pui bawk.
3.Rawngbawltute : Deriela team speaker leh team member 7 ten an riahchilh a,Pathian in team rawngbawlna, mal a sawm hle a ni.
4.Security duty ten riah chilh in an tangkai em em bawk,an chungah kan lawm hle a ni.
5.Heng bakah hian camp official-te a theih ang ang in an riah chilh a, an vil reng bawk a ni.
6.Camper-te a tir atangin buaina siam leh harsatna nei an awm lova,thu an awih em em mai hi a lawmawm tak zet a ni.
7. In lama kohhran nu leh pa ,thalaite nasa taka chhun lam leh zan lama tawngtaia, Lalpa au tlat kan nei hian camping hlawk tak kan neihna chhan pawh hi a ni.Pathian hmingin lawm thu kan sawi takzet a ni.

TKP RAMTHIMNI TAWNGTAI RUAL THUPUI
1) Isua Krista, Chanchin Thain khawvêl sual thim a chhun êna Pathian ram chak taka a lo zau zêl theih nân dîl ila. Kohhran leh mission pâwl hrang hrangte rawngbâwlnaah Pathian tanpuina i dîl ang u.
2) BCM Mission Department-ah hian thawktu mi 1286 an awm mêk (A zât hi a danglam reng). An inpêkna avângin lâwmthu sawi ila. Anmahni leh an chhûngkua theuh Pathian Thlarau Thianghlim pâwlna i dîlsak ang u.
3) BCM Mission Department kal tlang leh a enkawlna hnuaiah mimal, chhûngkua, pâwlho leh Kohhran mal leh Bial ten Missionary an châwm a. Pathian malsâwmna dîlsakin nasa zâwka an thawh zêl theih nân Pathian tanpuina i dîl ang u.
4) Mission rawngbâwlnaa BCM thawhpui pâwl (Mission Agency) 32 te tawngtaipui ila. Thawhhona tha tak kan neih zêl theih nân i dîl bawk ang u.
5) Mission Field-a ring thar leh Kohhrante tân, rinnaah ding ngheta, puitlin lam pan zêla, an chipuite Krista hnêna hruai thlengtu an nih theih nân dîlsak ila.